البارت الثاني لرواية (ترا حبــــكـ عذاب)

بنات اليوم جبتلكم البارت الثاني من رواية
ترا حبــــــــكـ عذاآاآاآاب

البارت الثاني
هديل: ما شاء الله شو هاذي الكشخه يا نور,,, خففي شوي من جمالك لا يطيح علينا فهد..
نور: ههههههههههههه ادري اني حلوه ما جبتي شي من عندك
" نور اليوم كاشخه طالعه مرررره حلوه لابسه فستان فوشي طويل بدون اكمام مزين بورود حمراء ورافعه شعرها الطويل بطريقه مرره حلوه وحاطه مكياج ناعم وحلو"

هديل: ترا مادح نفسه كذاب يا نور,,, يالله بلا لقافه انزلي تحت الكل ينتظرك

طلعت ملاك ومعاها امجاد لفوق عند نور يشوفوا الوضع

ملاك: الله الله يا نور شحلاتك يا بنت عمي
امجاد: أمي تقول انزلي الناس ينتظروك..
نور: يالله ننزل سوا
نزلوا البنات وراحت نور تسلم على عمتها وباست راسها وجلست جنبها والكل يطالعوها منبهرين بجمالها..

عند الرجال الكل يبارك لفهد ما صدقوا انه وافق يتزوج بعد سنين طويله

راشد: ألف مبروك ولد عمي اخيراً تزوجت
فهد: اففف ليه الكل يقولي نفس الكلام تعبت منكم
حسين: هههههه ما صدقنا والله يا ولدي
سالم: هالله هالله ف بنتي عاد لا تجننها ترا هي الغالية
فهد: إن شاء الله عمي بس انت آمر وانا انفذ من عيوني
راشد: يالله عاد يا مهند تحرك دور لك على وحده وروح اخطبها نبي نفرح فيك انت الثاني
مهند: إن شاء الله اخوي قريب يالله عن إذنكم بطلع شوي أجيب اغراض من سيارتي وبرجع..

الكل يغني ويرقص وفرحانين بالخطوبة وملاك كل دقيقه تروح تشوف نفسها بالمرايه,,, وأمجاد ما وقفت من الرقص هي وهديل والكل يطالعهم

طلع مهند وراح لسيارته يجيب إغراضه فجأه سمع صوت انوثي يناديه.,,,. التفت يشوف من هاذي اللي تناديه
مهند: هلا اختي ايش بغيتي؟؟
درر: أسألك؟ هاذا بيت سالم أل.....
مهند: ايوه هاذا هو تفضلي
مهند يسترجع ذاكرته: صوتك ما غريب علي
درر:...........
مهند: اييه تذكرت انتي اللي كنتي بالمستشفى من ايام؟؟
درر: ايوه انا يالله عن اذنك..

مهند يفكر وسرحان,,ماشاء الله عليها هاذي البنت,,لحظه ليش بتكون جايه لعندنا وشو دراها ان اليوم ملكة نور وشو عرفها ببيتنا ومن عازمنها لازم اعرف كل شي لازم

دخلت درر ومعاها الغيداء للبيت وشافتهم هديل وراحت تسلم عليهم...
هديل فرحانه: هلا والله بالغاليه شو اخبارك يالله كنت خايفه انك ما بتجي
درر: انا تمام الحمد لله,, وانا قلتلك من اول اني بجي
هديل: هلا الغيداء
الغيداء: هلا
هديل: يالله تفضلو
درر:دام فضلك حبيبتي
الغيداء وجالسة تأشر بأصبعها على مره :هاذي المره تطالعنا من اول ما دخلنا وكأنها ما عاجبنها انتي تعرفينها؟؟؟
درر بخوف: اوووه هاذي مرة عمي اكيد لما ترجع بتقول لعمي انه نحنا بالخطبه..
الغيداء: درر خلينا نرجع البيت احسن,, احنا ما قد هالمشاكل..
درر: ما برجع وبجلس واللي تبي تسوي تسوي وبعدين هم ما الهم دخل فينا وما على كيفهم بالاول يتبروا منا وبعدين يريدوا يتدخلو فينا..
الغيداء: اففف متى بنرتاح من هاذي المشاكل؟؟
درر: الصبر يالغيداء الصبر,, احنا متفقين من الاول انا بنصبر على المصايب لين الله يفرجها

وبعد ما راحو الناس من عندهم بس بقوا اهلهم دخلت ام فهد وطلبت من نور تجي معها عشان تدخل المجلس لانه فهد ينتظرها...
ولما دخلت المجلس شافت شاب حلو ومزيون جالس يشوفها وراحت تجلس جنبه

فهد: هلا والله بالزين كله شو اخبارك يا نور؟؟
نور: الحمدلله بخير
فهد: نور انا كنت ما مفكر بالزواج ابداً لكن لما شفتك اخر مره مااعرف شو صار لي بصراحه حبيتك من كل قلبي وقلت ما بضيعك من ايدي...
نور:يعني اهلك ما غاصبينك علي
فهد: وشو شايفتني بنت عشان يغصبوا علي انا لو كنت ما شفتك وعجبت فيك وفي جمالك ما كنت خطبتك كنت بظل عازب طول عمري..
نور: ليش يعني كنت ما تبي تتزوج؟؟
فهد: ما شي بس كنت اظن اني ما بحصل مره حلوه مثلي يعني تعرفي لازم يكون الطرفين حلوين عشان يجيبوا احلى اطفال بالعالم كله...
نور: وشو بس انت احلى واحد؟ ترا فيه غيرك حلوين واحلى منك بعد فلا تظن انه مافيه غيرك حلو..
فهد:ايوه فيه.. اللي الحين قدامي اللي من حلاها ما قادر انزل عيوني منها,, الله الله يا نور معقولة طول هالسنين انتي قدامي وانا ما اشوفك
نور: مشكور حبيبي انت الاحلى

جلسوا يسولفون ويتغازلون ونور ابداً ما تستحي كنها كل يوم تكلموا وهي اول مره تتكلم معه..
***************************

رجعت الغيداء من المدرسه وهي تصيح وتكسر كل شي قدامها وشافتها درر وراحت لها

درر: الغيداء شو صار لك بعد ليش هالصياح؟
الغيداء وهي تصيح: انا بوريها هالحقيره قليلة الولي
درر: من هاذي وشو سويتي انتي؟؟؟
الغيداء: ابله اميره هالدبه بنت الذين
درر: اميره بنت عمي؟؟؟
الغيداء: اييه ,,, حتى ما تستحق تكون معلمه..
درر: شو سوت لك
الغيداء: خلتني ف الحساب صفر من عشرين..
درر: ليش عاد.؟
الغيداء: تقول اني اغش مع البنات وكل الحلول غاشتنهن من عند امجاد بنت حسين وانا ابداً ما اغش وانتي تعرفيني زين
درر: كيف تحط لك صفر ومن هي عشان كذا تسوي؟؟؟ بس انا اعرفها تبي تنتقم هي وشكلها..
الغيداء: شو اسوي الحين هاذي تبيني ارسب ف الحساب وانا ما اقدر اخبر عليها المديره لانها ما راح تصدقني ابداً وانا ما عندي دليل يأكد صحة كلامي
درر: خليها هي وشكلها بس تعرفي انه اللي يسوي كذا الله ما راح يوفقه ف حياته..

الغيداء: انا الحين بطلع ابدل وارتاح
درر: والغداء ما تبين تتغدين؟؟
الغيداء: لا حبيبتي ما مشتهيه اكل شي

**********************************

مهند: نور تعااالي هنا ابيك
نور: كاني جيت شو تريد؟؟
مهند: فيه بنات حضرن خطبتك ما من اهلنا بنات اول مره اشوفهن,, بنات من؟؟؟
نور: أي بنات؟؟ ايييه يمكن ربعات هديل لانها عازمه ربعاتها..
مهند: هدييييييييييل تعاااااالي ابييييييك
نور: تعال انت ليش تسأل لا يكون حاط عينك عليهن
مهند: انت مالك دخل خلاص بعدي عن وجهي..

نزلت هديل بسرعه من غرفتها لما سمعت صوت أخوها يناديها لانه تعرفه ما يحب التأخير ابدا..

هديل: خير اخوي شو عندك؟؟
مهند: هديل من ربعاتك اللي جايات خطبة نور؟؟
هديل: انت شو تريد من ربعاتي ها؟؟
مهند: ما اريد شي بس ابي اعرف..
نور: كثير بنات حاضرات انت من تقصد بالضبط؟؟
مهند:بنتين اخوات من فتره شفتهن بالمستشفى على ما اظن وحده منهن اسمها الغيداء..
هديل: ايييه هاذول ربعاتي الغيداء ودرر
مهند: درر الاكبر صح؟؟
هديل: اييه
مهند بخاطره" فديت والله هالاسم اسم ع مسمى لانها بصراحه دره"
مهند: بنات من؟؟
هديل: بالاول قول لي ليش تريد تعرف؟؟
مهند: ارجوك يا هديل تكلمي..
هديل: مااقدر اقولك بنات من .الا لما تقول وش تريد منهن..
مهند: بصراحه يا هديل انا حاط عيني على درر وابيها تكون شريكة حياتي..
هديل: والله زين وناسه بتكون معي وبتصير مرة اخوي..
مهند: عن اللقافه وخبريني بنت من؟؟
هديل: والله تكسر الخاطر هالدرر
مهند بخوف: ليه شو فيها؟؟
هديل: ابوها وامها متوفيين من كم سنه وعايشه ف بيت هي واختها ..
مهند: ووين اهلها اخوالها واعمامها وخالاتها وعماتها ما فيه احد يهتم فيهم
هديل: والله شو اقولك عندها عم واحد مغرور وشرير ومتسلط ومتبري منهم هي واختها لانه كان دايم يسوي مشاكل مع ابوها لانه هو عنده فلوس كثير وغني مررره لكن ابو درر ما كان غني كثير وما يعرف يشتغل ويعتمد على حاله,,,, وعندها خالتين وحده تسكن ف دوله بعيده وما تقدر توخذهم معاها لكن بين فتره وفتره تتصل تتطمن عليهم , وخالتها الثانيه تسكن هنا بس عندها عيال وزوجها ما رضا تربيهم بس يبيها تربي عيالها,,, وعاد ما اعرف اذا عندهم احد غير..

مهند وعيونه مليانه دموع: انا اللي اعوضهم عن الحرمان وانتقم من هالعم اللي عندهم ,,,, اسمعيني بتتصلي الحين عليها وبتخبريها انه انا اريدها,, ولا يمكن اخذ وحده غيرها....

هديل: والغيداء وين بتعيش؟؟
مهند: بتعيش مع اختها معانا لاني ما اريد افرقهم عن بعض..

************************

ايييه والله شفتهم بالخطوبه حق نور بنت سالم ال.....
سعيد: وشو مودنهم مع هالناس؟
ماجده: ما ادري بس اظن انه ربعات بنتهم
سعيد: ومن ويين يعرفونهم وليش يتعرفوا عليها يريدوا يفضحونا بس انا اوريهم..
ماجده: انت اهدا ولا تتعب حالك عليهم انت متبري منهم واذا احد سألك عنهم قول ما اعرف عنهم شي..
سعيد: بس هم يحملوا اسم عيلتنا والكل يعرفهم.
منال: وانا من كم اسبوع شفتهم ف المستشفى
سعيد: وشو مودنهم بعد المستشفى
منال: هاذي اللي اسمها الغيداء مريضه عساها ما تصح وبعد درر طلعلها لسان تقول ما تريد تشوفنا وما تريدك تتدخل فيهم..
سعيد: لو كانوا رايحين مع ابوهم كان ارتحنا منهم ومن بلاويهم...
اميره: وبعد الغيداء ضبطها تغش بالامتحان من عند ربيعتها بس اللي محيرني انها متفوقه كثييير ف الحساب بس ليش تغش؟؟
ماجده: ومن قالك انها متفوقه اكيد طول الوقت تغش من عند ربيعاتها وانتي خبر خير.
اميره: وااله صدقك والا هي من يذاكرلها ما عندها احد وما اظن انها ذكيه لهالدرجه..

تعريف لهاذي العائله
سعيد (عم درر والغيدا),, رجل شرير ومتسلط وهمه الفلوس
وزوجته ماجده مره مثل زوجها ف كل شي
وعندهم عيال..
مساعد: اكبر واحد عمره 30 سنه ما يهتم ف شي كل اللي يهتم فيه انه يسعد زوجته غرام ويلبيلها كل طلباتها وهي الحين حامل
منال : دكتوره متزوجه من ولد خالتها عمرها 27 سنه
اميره: معلمه ف احدى المدارس مخطوبه قريب وعمرها 25 سنه
ماجد: شاب محبوب وطيوب غير عن اهله يدرس بالجامعه وعمره 22 سنه
منار: بنت حبوبه مررره عمرها 17 سنه

*************************

ليييييه يا درر ليييه تسوي فيني كذا انا شو سويت لك والله اني احبـــــك مرره ليه ما تصدقيني

يحيى: الحمد لله والشكر انت مع من تتكلم؟؟
فارس ودموعه على خده: الحقني يا اخوي ماني قادر اتحمل اللي يصير.
يحيى بخوف: بسم الله عليك ايش فييك؟؟
فارس بارتباك: درر يا يحيى درر,, انخطبت لواحد غيري
يحيى باستغراب: لا تقول,, حرام انت اكثر واحد تحبها ما يصير
فارس: هاذا اللي محيرني,,والله احبها وهي تدري بهالشي,, ليه ما وافقت علي ليه..
يحيى: ويمكن تكون هي ما تحبك عشان كذا ما وافقت عليك
فارس بصراخ: تحبني والله تحبني انت ما تفهم؟
يحيى: اهدأ شوي,, لو كانت تحبك ما بترفضك اكثر من مره
فارس يصيح بصوت واطئ: احلف لك بالله انها بتحبني وهاذا الدليل

"فتح ازرار قميصه بعصبيه وطلع عقد كان لابسنه وفيه كلمة احبك بخط عريض"

فارس: شوف,, هاذا العقد هي اللي عاطتني اياه واذكر انه لما عطتني قالت لي كلام وعمري ما راح انساه ما دامي عايش..
يحيى: شو قالت هاذي اللي معذبتنك كذا
فارس: قالت.. يا فارس هاذي هديتي مني لك لانك الوحيد اللي ملك قلبي واطلب منك تحافظ عليه اذا كنت بتحبني بجد ولا تنسى ترا ف يوم اجي اسأل عنه ويا ويلك مني اذا شفتك هاملنه او غايب عليك, وقتها عنجد ازعل منك وما راح تشوفني ابداً,.. وبعد هي اللي لبستني اياه على عنقي..,
كان هالكلام بالنسبه لي احلى كلام سمعته بس اخ يالقهر حسافه يا درر,,,, حسافه

يحيى: اذا كنت بتحبها جد ادعي لها انها تهنا بحياتها وانت الله يرزقك باللي احسن منها.. خلاص ماداعي للحزن..

فارس بحزن شديد: الله يوفقها بس تاكد اني ماراح اخذ وحده غيرها ,, درر لي يا يحيى

***************************

ملاك باستغراب: شو بتقولي انتي, مهند خطب؟ من هاذي اللي خطبها وليه؟
رشا مرة راشد: شو صار لك يا بنت؟ عم أوولك انه مهند خطب ليه مكشره,, انتي بتحبيه لمهند؟؟
ملاك: لا وليه احبه
رشا: طب ليه مكشره هيك عم شوفك مخنوئه احكيلي يا ملاك..
ملاك ودموعها على خدها: متى خطب ومن اللي خطبها؟؟
رشا: تئريباً من اسبوع وخطب رفيئة هديل وهي خلاص وافئت بس ما بدها تعمل خطوبه بدها عُرس..

ملاك: شو اسمها؟؟
رشا: اسمها درر
عبدالله: ماما عمه هديل بدها اياكي..
رشا: احكيلها تيجي لعندي انا الحين مش فاضيه بدي كلم ملاك..
ملاك: خلاص يا رشا انتي روحي الحين ولما تخلصي بنكمل انا وياك..
ملاك تتوعد: ما بخليك تتهني بحبيبي يا درر بخليك تعيسه بحياتك عشان تعرفي من هي ملاك

" راحت رشا عند هديل تشوفها شو تريد منها"

هديل: رشا انتي حكيتي لملاك عن الخطوبه؟
رشا: ايييه حكيتلها.
هديل: لييه يا رشا انا ما كان ودي تعرف الحين.
رشا: ما كنت بعرف ,, هديل, ملاك بتحب مهند؟؟
هديل: اييه بتحبوا وتبيه بس احنا ما نبيها حق مهند.
رشا: وليه ما بدكم ياها ملاك رفيئتك وهي بتحبكم.
هديل: عشان انها صديقتي, انا ما اريدها تأخذ مهند لاني اعرفها زين بس تبي تلعب عالشباب ..
لكن درر بنت محترمه وما شغلها سوالف الشباب عشان كذا انا اريدها حق مهند.
رشا:الله يوفئهم متى بيعملوا عُرس؟؟
هديل: الشهر الجاي ان شاء الله.

****************************