البارت الرابـــــــــــــــــــــــــــــع:::
البارت الرابع
الحين الكل يتجهز للعرس ودرر مبسوطه بس ما كثير لانها تفكر بفارس ايش بيسوي..
الغيداء: انا محتاره يا درر,, ارفع شعري او اخليه كيرلي
درر: خليه كيرلي احسن وخلي ورده حمرا عليه
مارينا: انا راح ارفع نص شعرك على فوء وانزل البائي واعملهم رولات واخلي شوي خصل ينزلوا على وشك شو رايك؟؟
درر: حلو هاذا اللي ابيه
الغيداء: خالتي جايه وتبي تسلم عليك
الخاله رقيه تلف درر حيل:هلا عيوني هلا بأحلى عروس,,سمحيلي درر قاطعتكم من فتره
درر: مسموحه خالتي اهم شي انك تكوني موجوده بعرسي
رقيه وبدت دموعها تنزل:والله غصب عني تدري زوجي ما راضي اني اخذكم عندي البيت
درر: خلاص خالتي امسحي دموعك تراها غاليه,, وانا عارفه ظروفك زين ومسامحتنك انتي وخالتي حنان اهم شي اشوفكم قربي واحس انه وراي اهل..
رقيه: على طاري حنان تسأل عنكم والا لا؟؟
درر: تسأل وتتصل بين فتره وفتره وتلزم علينا نسكن عندها بس تدري الوضع ما يسمح..
الغيداء:هااي ايش رايكم حلوه والا زباله..ههههه
رقيه: خخخ ما شاء الله حلوه مره تجننين.
درر: اييه حلوه بس
الغيداء: بس ايش؟؟ لا يكون مو حلوه..
درر: حلوه وتهبلين بعد بس اقصد رجلك اللي مانك قادره تمشيبها زين
الغيداء: لا تذكريني خليني ناسيه الموضوع احسن بس ودي اعرف منهي عشان اقهرها مثل ما قهرتني يا عساها ال.......
قاطعتها الخاله رقيه: لا يا الغيداء لا تدعين على الناس حرام يا بنت..
مارينا: طيب درر وين ماما ما عم شوفها جنبك؟؟؟.
درر: انا يتيمه لا عندي لا ام ولا اب وخلاص لا عاد تتكلمي
مارينا: سوري درر شكله السوأل دايئك انا انتهيت يلا بروح عندي كمان عروس تانيه
رقيه: روحي ومشكوره ..
يالله ننزل ترا الكل ينتظرنا برا
"كان عرس عادي لانها ما تريد يكون ضجه وحنه ورنه"
دخلت وكل الانظار عليها وخاصه ام فارس لانها تدري انه فارس ولدها كان يبيها..
نزلت على انغام الاغنيه والانظار مسلطه عليها
أقبلت تمشي وكلاً له حظور
لين صارت بيننا ضاع الحظور
القمر دايم نشوفه فوق فوق
وانتي قمر ليلاً ما حــلاه نور
نورك الفتــان نوراً للوجـــود
وبســــمة منك تعطرنا عطور
حاروا بأسمك رددو انتي درر
انتي حـلما للـبنات وللزهـــور
حسنك جمالك بســمتك فيك الدلع كمل حـــلاك
نظرة عيونك ضحكتك كلك على بعضك ملاك
حلم البنات بعيــنها سبحان ماحلا زينها
كل الحظور بطلتك قالوا لعيــــنك عينها
جلست على الكوشه وجلست جنبها خالتها والكل فرحان وكان مشغل اغاني ورقص بس مو كثير وبعدين ايجوا اهل المعرس... وبنشوف ايش بيصير.
هديل: الف الف مبروك حبيبتي ما اصدق انك صرتي عروس ,, هاذي اللي كانت اول ما تبي تتزوج؟؟
درر: الله يبارك فيك يا عمري وعقبال منشوفك عروس وجنبك هاذاك الشاب اللي يحبك.
هديل: امييييييييييييييييين بس انتي ادعيلي
ههههههههههه
نور: مبروك يا مرة اخوي
درر: مشكوره نور
ملاك: اشفيها مرة مهند كذا طالعه مو حلوه
امجاد: والا انتي شوفي الغيداء كنها ملاك
ملاك بدلع: لا حبيبتي محد ملاك غيري انا بس
امجاد: شوفي نور وهديل كيف ملتفين حولها شكلهم بيحبوها
ملاك: حبتهم جراده والا هاذا مهند يختار هاذي اللي مو حلوه ويترك الجمال كله.. والله ولد عمك ما عنده ذووق ابداً..
امجاد: خلاص جب شوفي كيف تطالعنا الغيداء وكنها تدري اننا نتكلم عنهم
ملاك: خلينا نروح نسلم عليهم
ملاك: هلا درر الف مبروك على زواجك
درر: هلا ملاك وعقبالك ان شاء الله
ملاك: لا ليه.؟.؟.؟. ما اريد الهلاك من الحين بعدني اريد افرح واستأنس بحياتي وبعدين افكر بالزواج والهم والغم..
امجاد: هلا درر مبروك
درر: هلا امجاد الله يبارك فيك
امجاد: هلا الغيداء وش هالجمال كله؟؟
الغيداء بدلع: مشكوره حبيبتي
امجاد: بعدها رجلك تعورك
الغيداء: والله وش اقولك بعدها تعورني وماني قادره امشيبها زين
امجاد باشمئزاز: الله كريم ربي يسامحها اللي عملت كذا فيك عاد انتي ما تستاهلي..
الغيداء: اييه والله ما استاهل حرام
امجاد: ياللا نرقص انا وانتي
رقصوا وغنوا وفرحوا والغيداء كانت اكثر وحده تعرف ترقص بالعرس والكل طبعاً يغار من رقصها
وامجاد بعد رقصها كان يهبلللللل وحلوو.....
امجاد بخاطرها:حشا وش هاذا الرقص اللي ترقصوا الغيداء اول مره اشوف رقص بهالشكل يهبلللللللللل بمعنى الكلمه,, هاذي تبي تتحداني بكل شي حتى بالرقص بس ما بخليك...
امجاد: الغيداء ابي اروح الحمام ممكن تيجي معي شوي
الغيداء: يالله نروح سوا لاني انا بعد ابي اروح
بعد ما راحوا الحمام وخلصوا
امجاد: الغيداء اقولك ممكن تربطي ربطة فستاني ؟؟
الغيداء: اكيد من عيوني والله
امجاد: يالله خلينا نروح ابي اشرب مويه تعبت من الرقص
جلسوا الغيداء وامجاد يشربوا مويه وهاذي امجاد كبت المويه في فستان الغيداء و....و.... تدروا انها تغاااااااااااار حيييل من الكل وخاصه الغيداااء
الغيداء بصراخ: اااه وش سويتي فيا شوفي ملابسي كيف تبللت
امجاد: سوري سوري الغيداء سمحيلي ما انتبهت مو عمد انزلق من ايدي..
الغيداء: أي مو عمد الله يهديك.. خلاص انسي الموضوع..
نروح شوي نشوف شو حل بفارس وبعدين نرجع حق العرس..
يحيى: الله يهديك يا فارس ليه تسوي فعمرك كذا؟؟
فارس: غصب عني والله ما ادري ماني قادر انساها ابداً
يحيى: حاول تنساها تراها الحين بذمة واحد ثاني فارجوك بلا فضايح
فارس: قلتلك ما اقدر ماااآقدرر لانها قطعه مني مستحيل انساها.. انت الحين جالس تتكلم وتنصح وماادري ايش بس بسألك سؤال ايش بتسوا لو حبيبتك مروة تزوجت واحد ثاني ها شو بيصيرلك
يحيى بعصبية: لالالا كله ولا حبيبتي مروة فال الله ولا فالك
قااطع كلامهم صوت دقة الباب
يحيى: هاذا اكيد المطعم لاني طالب عشا حقك
فارس بصرااخ: لييييييه منو قالك اني اريد عشا والا غيره انا ما اريد شي بهالدنيا غير درر بس
مسكين يتكلم ودموعه اربع اربع على خده لاتلوموا يحبها حيل...
درر بدهشه: خالتي حنااان ما اصدق معقوله
الخاله حنان:اييه حبيبتي جيت عشانك والله مبروؤوؤوك ع زواجك..
درر: الله يبارك فيك خالتي..
الخاله حنان: اجل وين الغيداء اشتقتلها مررره فديتها من زمان ما شفتها
درر: ما ادري ما شفتها بس اظن انها بالحمام انتظريها بتجي الحين
الغيداء: هلا خالتي حنان
حنان: اهلين فيكي يا حبيبيتي والله اشتقتلك.. ليتك تيجي تسكني معي والله هاذي امنيتي
الغيداء: خلاص خالتي انا بعيش مع درر في بيتها
حنان: وليه ترا انا موجوده وبعد خالتك رقيه.. ليه تبي تسكني فبيت الناس تراك بتعكري حياتهم يمكن ما يريدوا احد يسكن معهم...
الغيداء: لا تحاتي احنا مرتبين الوضع
رقيه: يالله بنات تغطوا الحين بيدخل المعرس
دخل المعرس وباس راس درر وجلس جنبها وملاك مغتاضه لآخر درجه شوي وتنفجر لانها تحبوا مالت عليها
مهند: مبروك درر
درر: الله يبارك بحياتنا
مهند: ما شاء الله طالعه قمر فديتك والله
درر خجلت وانقلب وجهها الوان
ام فارس: الف الف مبروك يا درر
درر ودمعتها على خدها: مشكوره خالتي وشكراً على جيتك عرسي
معقوله يا بنت اللذين تأخذي الدكتور صدق انك ما تستحين على وجهك
درر: احترمي نفسك عاد
مهند: انتي منو وليه تسوي كذا
ماجده: مو لازم تعرف انا منو يعني هديت كل البنات وتأخذ هاذي اللي استغفر الله...
غرام: هاذي اللي اسمها درر؟؟ استغفر الله اشفيه شكلك كذا بس الله يعين زوجك..
درر: وش فيه شكلي الحمدلله لو مو حلوه ما بتزوج مو مثلك كل يوم عمليات تجميل
مهند: بنترك المكان الكم احنا طالعين
انتهى العرس والكل راحو على بيوتهم....
***********************************************
في بيت سعيد
منار واقفه تناظر نفسها بالمرايه وتقلد معلماتها ترا ما عندها سالفه مسكينه ما تدري مع منو تجلس وجلست تخربط على معلماتها والبنات اللي معاها بالصف
خخخخ بقلد هالدوبه المعفنه الهنوف فف..
الهنوف:ايييه انتي بعدك تعرفي تقلدي مالت على وجهك
منار باندهاش: بسم الله علينا من وين طلعتي انتي؟؟ وما تعرفي تدقي الباب لمن تدخلي على احد؟؟ ووش تريدي رازه وجهك وجايه غرفتي؟؟؟؟
الهنوف: سلامتك ماريد منك شي بس كنت ماره على غرفتك وسمعت اسمي ودخلت,, اثارك تتكلمي عني وانا مادري ..
منار:لا احد تكلم عنك ولا شي
الهنوف: خلينا من هالسالفه وتعالي قوليلي وش سويتي مع ناصر؟؟
منار: ومنو هاذا ناصر؟؟
الهنوف: انتي شفيك حشا مسرعك تنسي,,,,, ناصر اللي عطيتك رقمه..
منار: لا حول ولا قوة الا بالله,, تو انتي شو تريدي مني ما نسيتيها السالفه؟
الهنوف: لا عيوني ما نسيتها ولا بنساها.. والا ترا..
منار: نفسي اعرف وش ماسكه علي وتبي تفضحيني فيه؟؟
الهنوف: بلاآآآآوي يا منار بلاوي وانتي ماتدري وترا انا عنجد اتكلم وعندي دليل على كلامي
منار بخوف: بس انا ما سويت شي وانتي تدري اني ما اسوي شي
الهنوف: تبي تشوفي ؟؟ اوكي تفضلي جوالي وتفحصي الصور اللي فيه
*********************************
اليوم وصلو مهند ودرر لباريس وكانو تعبانين مره خاصة درر لانها اول مره تسافر بس حدها الاماكن القريبه وكانت تعبانه حيل ماتدري ان السفر تعب لكن مهند متعود عالسفر بس صح كان تعبان لانهم توهم واصلين الفندق ..
درر: عن اذنك مهند بروح اخذ شاور حاسه بتعب
مهند:يالله روحي انا بعد ابي اخذ شاور..
دخلت درر الحمام ومهند منسدح ع الكنبه يفكر: ليه كذا يادرر مره احس انك تموتين علي ومره ما تبين تشوفيني.
وجلس يسترجع شريط ذكرياته لمن كانوا بالطياره
مهند: وش فيك بطول الطريق وانتي ساكته ليه ما تتكلمي معي.
درر:....... ماتدري انه يكلمها جالسه تفكر
مهند حط ايده على خدها: درر انا جالس اكلمك ليه ماتردي
درر حست بايده على خدها وقامت وشالتها من خدها: اسمعك وش تريد؟؟
مهند: بايش تفكري؟ من اللي مآخذ عقلك؟؟
درر: افكر بالغيداء تدري ما تعرف بلاي تبي تكون معاي
مهند: لا تحاتي بتكون مع هديل ونور ما بيقصروا بشي
بعد سكوت طويل كان مهند يقرا المجله يتسلى ودرر غفت من التعب وفجآة قامت درر
فارس وش تسوا اترك المجله ابي اكلمك شوي
مهند: وش عندك.. وبعدين انا اسمي مهند مش فارس احفظي اسمي زين..
انخجلت درر حيل وما عرفت شو تسوي ورجعت تنام شوي
قطع شريط ذكرياته صوت درر تناديه وقام من غفوته
درر: انا خلصت
مهند: ما شاء الله وش هالجمال كله يالله انتظريني بآخذ شاور دقايق وبكون عندك.. اطلبي عشاء تراني ميت جوع.
درر: حاضر من عيوني
***********************************
منار منصدمه: وشو هاذا حرام عليك
الهنوف: ما دري عنك..
منار خايفه: هاذي الصوره لمن كنت بالمدرسه بس كيف صورتيني
الهنوف: شفتك تخونيني مع حبيبي وصورتك صور وفيديو بس كذا..
منار تصيح: بس هاذا انا ماعرفه كنت ابي ادخل المدرسه ووقفني هاذا الماصخ وعطاني رقمه بس انا بالمره رميته
الهنوف: لا لا لا لا لا يا حلوه انتي كنتي واقفه معه تكلميه وخذيتي رقمه ما رميتيه لا تكذبي الفيديو موضح كل شي وتدري منو هاذا اللي معاك هاذا ناصر اللي ابيك تكلميه يعني الحين انا اللي اطلب منك تكلمينه وتشوفيه شو يبي منك وليه كان يكلمك كنه يعرفك من اول وشوفي كيف لاصق فيك.....
منار: وانتي شو تبي ترا قلتلك الورقه رميتها يعني انتي من عقلك تبيني اخذ رقمه واكلمه ترا انا ما احب سوالف المكر والحب والغزل وانتي تدري انا غييييييييير عنك غييير
الهنوف: والله يا منار اذا ما سمعتي كلامي تشوفي هالصور والفيديوهات حقك بنشرهن بكل مكان عند اهلك وعند الشباب وعند كل العالم فهمتي يالله عن اذنك.. وانا لأني احبك بعطيك مهله اضافيه تفكري فيها.. باايات يا محترمه
************************************
جالسين يتابعوا الفيلم وفجأه قامت الغيداء من عندهم
هديل: وين تبي تروحي؟
الغيداء: ابي اخذ شاور بس على ما اظن انه احد بهالحمام , بروح الحمام اللي بغرفتك..
هديل: اها تمام
راحت غرفه هديل بس شي وقفها يا ترى شو؟؟؟
شافت طفله تصيح وشعرها كله مغطي وجهها الطفولي ,, تقدمت منها وحطت ايديها على شعرها وشالته من على وجهها
الغيداء: فرح حبيبتي وش فيك تصيحين احد قالك شي؟؟
فرح تصيح: ما فيني سي بعدي عني
الغيداء:انزين بس قولي وش فيك؟؟
فرح تناظر الغيداء ومعصبه: ...................
الغيداء: براحتك ,, بروح الحمام. .
*******************
دشت مريم على أخوها ف الصاله وشافته حاط رجل على رجل
(مريم اللي مع امجاد والغيداء في الصف,,, تتذكروها؟؟)
مريم: وش فيك كذا متكشخ مالت عليك
(محمد عمره 11سنه)
محمد: وانتي شو دخلك يالله قلبي وجهك عني
مريم: اقلبه على أي صفحه هههه
محمد: ترا اذا ........( سكت بسماعه دقت الباب )
سارت مريم تركض تشوف من جاي عندهم
**************************
مهند: ددددررررررر حبيبتــــــــي وين انتي من زمان ماشفتك؟
درر: هنودي حياتي انا اربع وعشرين ساعه مقابلتنك وين يعني تباني اروح؟
مهند: شو رايك ب مناليزا حلوة صح؟!!!!!!!
درر : حلوة بعيونك انت بس بعيوني انا امممم.....
قاطعها مهند: لا تقولي ولا تكملي انا اريد اخذ رايك فيها بس عشان اوديك متحف اللوفر ...ولا ماتبي تروحي؟!!!
درر: يااااااااااي حماس والله وناسه..دقيقة وبكون جاهزه
مهند: ههههه يالله دقيقة بس ولا ترا بغير رايي
درر: ولااااايهمك دقيقة بس ..
**************************
مريم: هلآ نور تفضلي البيت بيتك
نور: انا جايه اشوف محمد موجود ف البيت؟
مريم: محمد؟!!! غريبة!! ايوا موجود بس ايش تبي فيه؟
محمد سمع اسمه وخاف وسار يركض بسرعه الغرفة
نور: محمـــــــــــد تعـــــــــــال
محمد بخووووف: نعم ايش تبي؟
نور بعصبيه : شو تبا ف فرح ليش تضربها؟
محمد: اااا...ان..انااا
مريم: وشفيك خايف قول الصدق ايش مسوي بالبنت؟
محمد: ما ضربتها ولا قلتلها شي تراها تكذب
نور: لالا حبيبي فرح ماتكذب تقول انك ضربتها وسبيتها وكنت تعايرها بالغيداء .. يعني ايش فيها الغيداء تراها احسن منك ومن غيرك
محمد: انا ماقصدي شي بس بس بس كنت امزح معها
نور: عاد تمزح معها ولا غيره .. هاذي اخر مرة اشوفك تقرب صوب فرح فهمت ولا ترا بخبر عليك ابوك..
محمد (شوي ودموعه على خده لأنه عارف انه ابوه لو عرف بالسالفة راح يضربه): اسف تووووبة ماراح اعيدها اوعدك من اليوم ورايح لا اعرف لا فرح ولا الغيداء ولا غيرهم.. (ناس ما بيجوا غير بالعين الحمراء)
********************************
في المدرسه
نهايه يوم دراسي جديد وغير شكل بالنسبه للغيداء لأنها كانت ما عارفه تجلس بالصف لأنه مريم وامجاد غايبات عن المدرسه وهي ما تعرف تجلس من دونهم وخاصة مريم لأنه اكثر تجلس معها عن امجاد...,
في نهاية الدوام
الغيداء بخاطرها: اف افف انا الحين وش اسوي ما اقدر اركب بروحي مع السواق فشله ,,كنت متعوده معاي امجاد,,
والحين تقريباً محد بالمدرسه غيري انا و3 بنات وبعدني مااعرفهن اففف من هاذي الحاله "وتناظر ساعتها" ليش هاذا تآخر بعد ما من عوايده يتآخر.. استغفر الله العظيم من كل ذنب عظيم..
بعد 5 دقايق تقريباً شافت سياره وفيها سائق يأشرعليها
بس هي ما راحت له لانها ما تعرفه وفجاة شافته ينزل من السيارة ويقرب صوبها وهي خايفة كثير
السائق:انتي الغيداء بنت سعود؟
الغيداء (بخوف وتعجب): ايوا.. من انت؟
السائق: لا تخافي انا السائق الجديد حقكم وجيت اخذك للبيت......
***********************************
ورحمة الله وبركاته
الأربعاء 6 مارس - 7:54 من طرف 
